గంట మ్రోగించండి:వదిలివేయడానికి సుశీల్ కు ఇది సరైన సమయం

సుశీల్ కుమార్ ఒలంపిక్స్ లో ఒక పతకం గెలుపొందిన ఏడవ భారతీయ అథ్లెట్ అయినప్పుడు అది ఒక ఘనవిజయ గాధ అయింది. జాతీయవాదులు, ఆసియా రెజ్లింగ్ సన్నివేశము అదే విధంగా కామన్‌వెల్త్ ఛాంపియన్‌షిప్స్ పై ఆధిపత్యం వహించిన అనేక సంవత్సరాల తర్వాత, దేశానికి మొట్టమొదటి పతకాన్ని సాధించిన ఖాషాబా దాదాసాహెబ్ జాదవ్ తర్వాత 56 సంవత్సరాలకు రెజ్లింగ్ లో ఒక ఒలంపిక్ పతకాన్ని స్వదేశానికి తీసుకురావడం ద్వారా అతడు బీజింగ్ లో తాను ఆశించిన మేరకు రాణించాడు.

ఐతే సుశీల్ ప్రారంభం మాత్రమే సంపాదించాడు. అతడు 2010 లో మాస్కోలో ప్రపంచ ఛాంపియన్‌షిప్స్ లో బంగారు పతకం సాధించాడు, ఆ మరుసటి సంవత్సరం లోనే ఏషియన్ ఛాంపియన్‌షిప్స్ లో మరొక పతకం సాధించాడు మరియు 66 కిలోల ఫ్రీస్టైల్ కిరీటం పొందడానికి ఫేవరైట్ గా 2012 లండన్ క్రీడల బరిలోనికి దూసుకువెళ్ళాడు. అతడు ప్రాథమిక రౌండ్ల గుండా ముందుకు వెళ్ళాడు, సెమీస్ లో వివాదాస్పద పరిస్థితుల్లో కజగిస్థాన్ కు చెందిన అక్జురెక్ తనాతరోవ్ ను ఓడించి భారత్ కోసం కనీసం ఒక రజత పతకాన్ని సాధించాడు. కోట్లమంది ఆశలు ఆకాంక్షలు తన వెన్నంటి ఉండగా అతడు జపాన్ కు చెందిన తత్సుహిరో యోనెమిత్సుతో తలపడ్డాడు, ఐతే అందులో జపనీయులనే విజయం వరించగా సుశీల్ రజతంతోనే సరిపెట్టుకోవాల్సి వచ్చింది.

ఒకవేళ ఎవరైనా సుశీల్ యొక్క కెరీర్ కి అంకగణిత సమీకరణాన్ని వర్తింపజేసి మరియు వరుసగా 2008 మరియు 2012 లో అతడు గెలుపొందిన కాంస్యం మరియు రజతంతో గణిస్తే, 2016 లో ఆ రెజ్లర్ బంగారు పతకం కోసం లక్ష్యంగా చేసుకున్నాడని తీర్మానిస్తారు. సుశీల్ కూడా దానినే విశ్వసించాడు. ఐతే, దురదృష్టవశాత్తూ, జీవితం ఒక గణిత సమీకరణము కాదు. లండన్ ఒలంపిక్స్ అనంతరం 74 కిలోల విభాగానికి తరలిన తర్వాత, 2014 లో సుశీల్ తన కేబినెట్ కు మరొక కామన్‌వెల్త్ క్రీడల బంగారు పతకాన్ని జోడించాడు, అయినప్పటికీ, 2016 రియో క్రీడల కొరకు అతని తయారీలను రెండు గాయపడ్డ సంవత్సరాలు మరుగున పడేశాయి. ఆ ఘనవిజయం అనంతరం అతడు పోటీపడలేదు మరియు బ్రెజిల్ కు నర్సింగ్ యాదవ్ వెళ్ళి 74 కిలోల ఫ్రీస్టైల్ విభాగానికి ప్రాతినిధ్యం వహించడాన్ని చూడాల్సి వచ్చింది.

అతని గాయాలు బాధించిన దానికంటే ఒలంపిక్స్ యొక్క అవమానం నొప్పి సుశీల్ ని ఎక్కువగా బాధపెట్టింది.ఐతే అతని స్వప్నం మాత్రం చెదిరిపోలేదు.అతడు 2018 కామన్‌వెల్త్ క్రీడల ఫైనల్లో ఆధిపత్య శైలితో కేవలం 80 సెకెన్లలో ప్రత్యర్థిని ఓడించడం ద్వారా బంగారు పతకం సాధించి క్రీడా ప్రపంచానికి తానేమిటో చాటిచెప్పాడు. అయినప్పటికీ, నాలుగు నెలల తర్వాత అతను ఏషియన్ క్రీడలలో కనిపించడమనేది అనుకున్న విధంగా జరగలేదు. అతడు క్వాలిఫయింగ్ రౌండులో బెహ్రయిన్ కు చెందిన ఆడం బారిటోవ్ చేతిలో నిర్ఘాంతపోయే ఓటమిని చవి చూసి ఖాళీ చేతులతో స్వదేశానికి తిరిగి వచ్చేశాడు. ఆగస్టులోని ఆ పోరాటం ఆ సంవత్సరానికి ఆఖరిదయింది.

దాదాపు ఒక సంవత్సరం గడచిన తర్వాత మిన్‌స్క్ లోని మెడ్వెడ్ టోర్నమెంటులో అతడు వేదికపైకి తిరిగి వచ్చాడు ఐతే బెక్జోడ్ అబ్దురక్‌మొనోవ్ చేతిలో ఘోరమైన ఓటమిని చవి చూశాడు. అతను తన ఓటమిని రింగ్-రస్ట్ పై నిందమోపాడు, కానీ అక్కడ అంతకంటే ఎక్కువే జరిగినట్లనిపించింది. ఈ 36-ఏళ్ళ వ్యక్తి తన స్వదేశానికే చెందిన జితేందర్ కుమార్ ని ఓడించి నూర్-సుల్తాన్ ప్రపంచ ఛాంపియన్ ‌షిప్స్ లో తన స్థానాన్ని పదిలం చేసుకున్నాడు, అయితే ఎనిమిది సంవత్సరాలలో మొదటిసారిగా అతను పోటీలోనికి తిరిగి రావడం అంత ఉల్లాసంగా లేకపోయింది. తన మొట్టమొదటి రౌండులోనే అతడు ఖాద్జీమురద్ గాడ్జియేవ్ చేతిలో ఓటమి చెందాడు, అయినా ఊహించని తన ఓటమికి మళ్ళీ తయారీ లోపమని నిందించాడు.

సుశీల్ మే నెలలో తన 36 వ ఏట ప్రవేశించాడు. గడచిన అతని మూడు పోరాటాల్లో, ఈ వస్తాదు తన స్వీయ ఆధిపత్య నీడనే చూసుకున్నాడు. అతని అడుగులు తడబడ్డాయి, అతని ఆత్మరక్షణ అంత సమంజసంగా లేకపోయింది మరియు ఆఖరుకు, అతని ప్రత్యర్థులు అన్ని రంగాల్లోనూ అతనికంటే కాస్త ఆధిపత్యం చూపారు. ఊరించే బంగారు పతకం కోసం సుశీల్ తన అన్వేషణ కొనసాగించాలనే ప్రతినబూనాడు, ఐతే అది వాస్తవమయ్యే లక్ష్యమేనా అని అతడు భావించాల్సిన సమయం వచ్చి ఉండొచ్చు. “ఒకప్పుడు ఓటమే లేకపోయింది” అనే సామెత సుశీల్ ఉదంతములో అక్షరసత్యం అనిపించింది. దేశం యొక్క అత్యంత ఆధిపత్య అథ్లెట్లలో ఒకరైన ఇతణ్ణి వయసు మరియు గాయాలు చుట్టుముట్టాయి. కాబట్టి, బహుశా ఇది, సుశీల్ తన పోరాటాలను వదిలేసి, తన వారసత్వాన్ని రక్షించుకోవాల్సిన సమయం అయి ఉండవచ్చు.

రచన: క్రీడా ముఖాముఖీ